ABŞ-ın Azərbaycandakı səfirliyi ABŞ-da on aylıq qeyri-dərəcəli təhsil və peşə təcrübəsi əldə etməyə imkan verən Hubert H. Humphrey Təqaüd Proqramını elan edib. Bu barədə ABŞ-ın Azərbaycandakı səfirliyi məlumat yayıb.
Məlumatda deyilir ki, seçilən şəxslərin bütün xərcləri (təhsil haqqı, səyahət, yaşayış, tibbi sığorta) proqram tərəfindən qarşılanır.
Təqaüd proqramında iştirak etmək istəyənlər hazırda Azərbaycanda yaşayan Azərbaycan vətəndaşı olmalıdır.
Bununla yanaşı proqram iştirakçıları seçilmiş sahədə 5 illik ardıcıl iş təcrübəsinə, əvvəlki tədqiqatlarda güclü akademik təcrübəyə və təhsil boyu əla qiymətlərə, mükkəmməl ingilis dili biliklərinə malik olmalıdır.
Ərizə üçün son tarix 10 İyun, 2019-cu ildir.
