ABŞ Azərbaycandakı Səfirliyinin Müdafiə Əməkdaşlığı şöbəsi sentyabrın 4-də Dövlət Gömrük Xəstəxanası üçün nəzərdə tutulan COVID-19 aşkarlama ləvazimatlarının ilk hissəsini Azərbaycanın Dövlət Gömrük Komitəsinə ianə edib.
ABŞ EUCOM Humanitar Yardım Proqramı vasitəsi ilə təqdim edilən ümumi dəyəri 72 000 ABŞ dollarından çox olan bu ianə Azərbaycana COVİD-19 pandemiyasına qarşı daha efektiv mübarizə aparmaq üçün dəstək olacaq.
Bu barədə ABŞ-ın Azərbaycandakı Səfirliyi facebook səhifəsində məlumat yayıb.
