ABŞ-ın Əfqanıstan üzrə xüsusi nümayəndəsi Talibanla Kabil hökumətini birbaşa danışıqlara çağıraraq, ölkədə 17 ildir davam edən münaqişəyə son qoyulması məqsədilə hazırlanan sülh razılaşmasının layihəsinın detallarını açıqlayıb.
Zalmay Xəlilzad bazar ertəsi Kabildə deyib ki, Birləşmiş Ştatların məqsədi Əfqanıstadaxili danışıqların keçirilməsidir.
Əfqanıstan prezidenti Əşrəf Qani də üsyançı qrupu Əfqanıstan hökuməti ilə ciddi dialoqa başlamağa çağırıb.
Cənab Qani dəfələrlə Talibana heç bir şərt olmadan, "hər zaman və hər hansı bir yerdə" danışıqlara hazır olduğunu bildirsə də, Taliban onun təkliflərini rədd edib.
Talibanla Birləşmiş Ştatların diplomatları arasında müzakirələr keçən yay Dohada başlayıb.
