ABŞ-da qasırğa nəticəsində ölənlərin sayı 45 nəfərə çatıb

ABŞ-ın cənub ştatlarında üç gün davam edən qasırğa nəticəsində ölənlərin sayı 45 nəfərə çatıb. Tələfatın yarısı Şimali Karolina ştatında baş verib. Qubernator Beverli Perdue ştatda fövqəladə vəziyyət elan edib. Şimali Karolinada şənbə günündən bəri 60 qasırğa qeydə alınıb. Bu, son 20 ildə ən ağır təbii fəlakət hesab edilir. Oklahoma və Viciniya ştatlarında güclü qasırğa yüzlərlə evə ciddi ziyan vurub.