Son rəy sorğularına görə, ABŞ prezidenti Barak Obama populyarlığının hələ də yüksək olmasına baxmayaraq, Avropada dəstəyini itirir. Transatlantik Tredsin keçirdiyi sorğunun nəticələri göstərib ki, Obamanın 2009-cu ildə reytinqi 83 faiz idisə, hazırda bu göstərici 78 faizə enib. Amerikanın Almaniya Marşal Fondunun Amerika, Türkiyə və Avropa İttifaqına üzv 11 ölkədə 1000 respondent arasında keçirdiyi sorğuya görə, prezident Obamanın İran və Əfqanıstan siyasəti 50 faiz dəstək əldə edib.