ABŞ Senatının Xarici Əlaqələr Komitəsində ABŞ-ın Azərbaycana səfir təyinatına dair dinləmə keçirildi. Dinləmələrə komitənin üzvü, senator Cin Şahin sədrlik edirdi. Dinləmədə habelə senatorlar Con Kerri, Riçard Luqar, Benjamin Cardin, Cim Menendez və Con Barraso iştirak edirdilər.
Qanunvericilər səfir qismində nominasiya edilmiş Dövlət Departamentinin Avrasiyada Enerji Məsələləri üzrə xüsusi elçisi Riçard Morningstara ABŞ-ın Azərbaycandakı siyasəti ilə bağlı bir sıra suallar ünvanladılar. Onlar Azərbaycanda demokratik islahatlar, insan haqlarının durumu, Azərbaycanın NATO ilə əməkdaşlığı və müştərək enerji layihələri barədə bir sıra məsələlərə aydınlıq gətirməyə çalışdılar.
Cənab Morningstar ABŞ-ın Azərbaycanla bağlı siyasətində təhlükəsizlik, enerji əməkdaşlığı və demokratik islahatların mühüm amillər olduğunu söylədi, və bildirdi ki, səfir kimi təsdiq olunacağı təqdirdə bu istiqamətdə yorulmadan çalışacaq. Cənab Morgninstar hesab etdiyini bildirdi ki, demokratik islahatlar Azərbaycan xalqının maraqlarındadır və o, rəsmi Bakını buna inandırmağa çalışacaq. O, əlavə etdi ki, Dağlıq Qarabağ münaqişəsini sülh yolu ilə həll edilməsi səylərinə maksimum yardım etməyə çalışacaq.
Senator Menendez Azərbaycan-Ermənistan cəbhəsində hərbi eskalasiyadan narahat olduğunu bildirdi və Azərbaycanı təcavüzkar mövqe sərgiləməkdə ittiham etdi. O, cənab Morningstarı Culfada erməni məzarlarının dağıdılmasını yaxından araşdırmağa çağırdı.
Dünənki Dinləmədən Twitlər:
https://twitter.com/#!/voaazeri
(Twitlərin ardıcıllığı aşağıdan yuxarıya doğru yenilənir. Ən son twitlər ən yuxarıdakılardır)
ABŞ Senatında Azərbaycana səfirin təyinatı ilə bağlı dinləmələr sona çatdı
Jim Menendez Culfada erməni qəbirlərinin dağıdılmasından narahatlığını ifadə etdi
O, Morningstardan soruşur: Vəziyyət düzəlir yoxsa pisləşir?
Shaheen Azərbaycanda insan haqları pozuntuları, Fərhad və Rafiq Əliyev qardaşlarının həbsindən danışır
Senator Benjamin Kardin dinləməyə qatıldı
