ABŞ və Hindistan Asiya və bütöv dünyada sülh və əmin-amanlığın bərqərar edilməsində qüvvələrini səfərbər edəcək. Bu, ABŞ prezidenti Barak Obama və Hindistanın baş naziri Manmohan Singhin Dehlidə keçirilən mətbuat konfransında səsləndirdiyi fikirdir. Hər iki lider ABŞ-Hindistan münasibətlərinin 21-ci əsri müəyyənləşdirəcəyini bildirib. Barak Obama Hindistanın dünya qüdrətləri səviyyəsinə yüksəldiyini deyib. ABŞ dövlət başçısı Pakistanla gərginliklərin aradan qaldırılmasında Hindistana yardım ediləcəyinə söz verib. Hindistan 2008-ci ildə 160 adamın ölümü ilə nəticələnən Mumbay hücumuna görə islamçı ekstremistlərə sığınacaq verən Pakistanı günahlandırır.