Accessibility links

ABŞ hərbi liderləri irqçiliyi, ekstremizmi pisləyir


Ağdərili millətçinin maşınla irqçilik əleyhinə nümayiş keçirən izdihamın üzərinə sürdüyü zaman Hezer Heyerin həlak olduğu yerdə güllər düzülüb. Şarlottsvill, Virciniya, ABŞ, 16 avqust, 2017.
Ağdərili millətçinin maşınla irqçilik əleyhinə nümayiş keçirən izdihamın üzərinə sürdüyü zaman Hezer Heyerin həlak olduğu yerdə güllər düzülüb. Şarlottsvill, Virciniya, ABŞ, 16 avqust, 2017.

ABŞ Silahlı Qüvvələrinin dörd qolunun rəhbərləri irqçiliyi və ekstremizmi rədd etdiklərini bəyan ediblər. Onların bəyanatı Virciniya ştatının Şarlottsvill şəhərində ötən həftəsonu irqi zəmində baş verən iğtişaşlardan sonraya təsadüf edir.

Liderlərin Tvitterdə və başqa platformada yaydıqları bəyanatlarda Prezident Donald Trampın insidentə münasibəti haqda heç nə deyilmir.

ABŞ-da hərbi qüvvələrə siyasətdən uzaq dururlar. Onlar öz rollarını ordunun təməl dəyərləri olan irqi bərabərliyi və tolerantlığın müdafiəçiləri kimi görürlər.

Ağ millətçi nümayişçilər Konfederasiya generalı Robert Lee-nin heykəlinin ətrafındakı parkın girəcəyində qalxanla keşik çəkir. Şarlottsville, Virciniya, ABŞ. 12 avqust, 2017. Həmin gün Konfederasiya rəğbətçiləri və neo-nasistlərlə anti-irqçilər arasında baş verən iğtişaşlarda 10-dan çox adam yaralanıb, azı bir adam həlak olub.
Ağ millətçi nümayişçilər Konfederasiya generalı Robert Lee-nin heykəlinin ətrafındakı parkın girəcəyində qalxanla keşik çəkir. Şarlottsville, Virciniya, ABŞ. 12 avqust, 2017. Həmin gün Konfederasiya rəğbətçiləri və neo-nasistlərlə anti-irqçilər arasında baş verən iğtişaşlarda 10-dan çox adam yaralanıb, azı bir adam həlak olub.

İrqçilərə qarşı nümayiş zaamanı üzrəinə maşın sürülməsi nəticəsində həlak olmuş Hezer Heyer 2015-ci ildə orduya yazılmış, lakin dörd ay sonra təlim standartlarına cavab vermədiyinə görə tərxis olunmuşdu.

Donanma komandanı Admiral Con Riçardson Şarlottsvill olaylarına reaksiya verən ilk hərbi rəhbər olub. O, Tvitterdə baş verənlərin "qəbuledilməz və dözülməz" olduğunu bəyan edib.

Bizim dualarımız və düşüncələrimiz icmamıza sülh gətirməyə çalışan bütün insanlarla, o cümlədən bu yolda yaralanan və ölənlərlədir.

Daha geniş bəyanatında Riçardson baş verənləri “rüsvayçı” adlandırıb.

“Bizim dualarımız və düşüncələrimiz icmamıza sülh gətirməyə çalışan bütün insanlarla, o cümlədən bu yolda yaralanan və ölənlərlədir,” o bildirib.

Başqa hərbi liderlər Riçardsonun ardınca bəyanat vermiş, lakin açıq olaraq Şarlottsvill şəhərini qeyd etməmişlər.

Müdafiə Naziri Cim Mattis ondan reaksiyası soruşularkən deyib: “Bu məni kədərləndirdi, gördüklərim məni çox kədərləndirdi.”

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG