Birləşmiş Ştatlar və Şimali Koreya arasında yüksək səviyyədə görüşün keçirilməsi ilə bağlı elan əksəriyyətdə təəccüb reaksiyası doğurub. Eyni cür reaksiyanı ABŞ-ın baş diplomatı da verib.
Cümə axşamı Koreya yarımadasında gərginliyin azalması xəbəri yayıldığı bir zaman ABŞ dövlət katibi Reks Tillerson Afrika turunda idi. Bu mövzuda müxbirlərin suallarını cavablandıran Tillerson bildirdi ki, ABŞ-Koreya arasındakı münasibətlərdə istənilən optimizmə ehtyatla yanaşmaq lazımdır və danışıqların yaxın müddətdə keçirmə ehtimalın azdır.
ABŞ prezidenti Donald Tramp Şimali Koreya lideri Kim Conq Unun danışıqlar dəvətini qəbul edəndə, Tillerson Cibutidə səfərdə idi.
Dövlər katibi müxbirlərə bildirib ki, “uyğun zaman gələndə” danışıqların keçirilməsinə həmişə açıq olduğunu və prezidentlə telefon danışığı zamanı Trampın bu vaxtın gəldiyi qənaətində olduğunu bildirib.
Danışıqların keçirilməsi elanı veriləndən bəri Vaşinqtondakı ABŞ qanunvericiləri, o cümlədən Çin, Yaponiya və Cənubi Koreya rəsmiləri irəliləyişi qeyd ediblər. Bununla bərabər, onlar danışıqların potensial nəticələri ilə bağlı ehtiyatlıdırlar.
