Kaliforniyalı cütlüyün qonşularının dediyinə görə, onlar heç vaxt bu evdə 13 uşağın əsir saxlanılaraq işgəncə verildiyini təsəvvür edə bilməzdilər. Həmin uşaqların yaşı 2 ilə 29 yaş arası dəyişir.
“Onlar çox sakit idi. Sanki özlərində deyildilər. Mənə demişdilər ki, bu evdə çox uşaq var amma heç vaxt düşünməzdim ki, 13 uşaq ola bilər."
“Mən axşam saat doqquzda itlə buradan keçəndə dörd uşağın dizlərini yerdə qoyaraq otlarla oynadığını gördüm. Mən onlara salam verdim amma onlar heç mənə baxmadılar.” - deyə, qonşular bildirib.
Qurbanların tutulduğu ev Los Anceles şəhərində 110 km cənub-şərqdə yerləşən Perris şəhərindəki ispan tərzində tikilmiş orta gəlirli ailə evlərindəndir. Polislərin verdiyi məlumata görə, evin içərisi həddindən artıq pis vəziyyətdə olub.
57 yaşlı mühəndis olan Devid Turpin və 49 yaşlı Luiz Turpin 13 uşağın girov götürülməsi və işgəncə verilməsi ittihamları ilə həbs edilərək, hər birinin 9 milyon dollar qarşılığında zaminə çıxarılmasına qərar verilib.
Devid Turpinin adına olan Facebook səhifəsində Kaliforniyalı cütlüyün 2011-2016-cı illər arasında öz evliliklərinin yenilənməsi mərasimində uşaqları ilə birlikdə necə əyləndiklərini görmək mümkündür.
