Əfqanıstanın de-fakto Taliban hakimiyyəti paytaxtı Kabildə və bir sıra digər şəhərlərdə dövlət universitetlərinin yenidən açıldığını elan etsə də, təhsilə yalnız kişi tələbələrin davam edəcəyinə icazə veriləcəyini bildirib.
Talibanın Ali Təhsil Nazirliyinin qısa bəyanatında "Ali Şuranın Ali Təhsil üzrə qərarına əsasən daha soyuq vilayətlərdə dövlətin ali təhsil müəssisələrində oğlan tələbələrin təhsili rəsmi olaraq, cari ilin [martın 6-dan] başlayacaq" deyilib.
Əfqanıstanın 34 vilayətindən 24-də məktəblər və universitetlər qış tətilinə çıxır.
İslamçı hökumət keçən il qadın tələbələrin ali təhsil almasını qadağan edərək, qadınların ABŞ-ın dəstəklədiyi əvvəlki hökumət dövründə gender əsaslı dini məhdudiyyətlərə lazımi qaydada riayət etmədiyini deyib.
İnsan haqları qruplarının fikrincə, Əfqanıstan yeganə ölkədir ki, qadınların və qızların təhsil almasına və işləməsinə rəsmən qadağa qoyulub.
Birləşmiş Millətlər Təşkilatının bildirdiyinə görə, Əfqanıstanın təcrid iqtisadiyyatı üçün yüz milyonlarla dollara başa gəlsə də, gender əsaslı ayrı-seçkilik siyasəti davam edir.
Taliban 2021-ci ilin avqustunda hakimiyyətə qayıtdıqdan sonra yeniyetmə qızların orta məktəbə və bir çox qadının işə getməsi kimi maneələr daxil olmaqla, qadınlara qarşı geniş qadağalar tətbiq etməyə başlayıb.
Keçən ilin dekabr ayında İslamçı hökumət qəflətən qadınların universitetlərdə təhsil almasına qeyri-müəyyən müddətə qədər qadağa qoyulması əmrini verib. Taliban eləcə də hicab taxmadıqlarını və ya İslamin digər rəsmi şəriət qaydalarına hörmət etmədiklərini deyərək, əfqan qadınlarına Qeyri Hökumət Təşkilatlarında (QHT) işləməyi qadağan edib.
