Əfqanıstan rəsmiləri bildirib ki, Kabildə törədilmiş partlayış parlamentin bir üzvü və başqa iki nəfərin yaralanmasına səbəb olub.
Körpünün altına yerləşdirilmiş bomba partlayışı zamanı Bamyan vilayətinin qanunvericisi Fəkori Behiştinin avtomobili zədələnib. Daxili İşlər Nazirliyinin rəsmisi partlayışın onu hədəf aldığını ehtimal etdiyini bildirib.
Partlayış digər avtomobilləri də sıradan çıxarıb və yaxınlıqda yerləşən mağazaların şüşələrinin sınmasına səbəb olub. Partlayışa görə məsuliyyəti hələlik üzərinə götürən olmayıb.
Ötən həftə başqa bir parlament üzvünə qarşı törədilmiş intiharçı hücumu nəticəsində yeddi nəfər həyatını itirib, qanunverici sağ qalıb.
