Əfqanıstanın şərq bölgəsindəki yoxlanış məntəqəsində intiharçı hücumu 8 nəfərin ölümü, 12 adamın yaralanması ilə nəticələnib.
Vilayət rəsmiləri ölənlər arasında təhlükəsizlik personeli və mülki vətəndaşların olduğunu bildirib.
Hücum Nanqarhar vilayətinin Cəlalabad şəhərində törədilib.
Polis sözçüsü Amerikanın Səsinə bildirib ki, öldürülənlər arasında yüksək rütbəli komandir də olub.
Hücumun məsuliyyətini üzərinə alan olmasa da, Taliban və İslam Dövləti terrorçuları hökumət qüvvələrinə qarşı davamlı hücumlar həyata keçirir.
