Dünya Ərzaq Proqramı Təşkilatının direktoru Devid Bisli Mozambikə səfər edir. Səfərin məqsədi Mozambik, Zimbabve və Malavini vuran təbii fəlakətin fəsadlarına diqqət çəkməkdir.
BMT İdai siklonunun təsirlərinə məruz qalanlara yardım üçün 282 milyon dollara ehtiyac olduğunu bildirib.
Siklonun yaratdığı güclü yağış və külək bu 3 Afrika ölkəsində azı 750 nəfərin ölümünə səbəb olub. Yüz minlərlə insan evsiz qalıb.
Beynəlxalq Qırmızı Xaç və Qızıl Aypara Cəmiyyətləri 200 mindən çox insana 30.5 milyon dollarlıq yardım üçün dünya ictimaiyyətinə müraciət edib.
ABŞ Müdafiə Nazirliyi Mozambik üçün 6.5 milyon dollarlıq humanitar yardım ayırıb.
