Accessibility links

Aİ tək dozalı Johnson & Johnson peyvəndindən istifadəni təsdiqləyib


Avropa İttifaqının dərman tənzimləyicisi olan Avropa Dərman Agentliyi (EMA) Johnson & Johnson-un tək dozalı COVID-19 peyvəndindən şərti istifadəni təsdiqləyib.

Avropa Səhiyyə Komissarı Stella Kiriakides cümə axşamı bunun ardınca peyvəndin istifadəsi üçün rəsmi icazənin qısa müddətdə verilə biləcəyini bildirib.

Kiriakides Twitter hesabında "Bu, bütün vətəndaşların ən qısa müddətdə təhlükəsiz və təsirli peyvəndlər əldə etməsini təmin etmək üçün digər bir mühüm addımdır" yazıb.

Bu addım Aİ-nın yavaş irəliləyən peyvəndləmə kampaniyasını sürətləndirməyə və tədarükü artırmağa kömək edə bilər.

Johnson & Johnson Pfizer-BioNTech, AstraZeneca və Moderna-dan sonra Aİ-da istifadə üçün təsdiqlənmiş dördüncü peyvənddir. EMA bu vaksini 18 yaş və yuxarı şəxslər üçün istfadə edilməsini tövsiyyə edir.

Bu arada isə bir tədqiqat göstərir ki, virusun Britaniyada aşkar edilmiş versiyası əvvəlki variantlardan daha ölümcül təsirə malikdir.

Çərşənbə günü British Medical Journal-da dərc olunan tədqiqatda bildirirlir ki, B.1.1.7 variantına yoluxmuş şəxslərin ölmə ehtimalı koronavirusun digər variantlarına yoluxanlarla müqayisədə 30 ilə 100 faiz daha çoxdur.

B.1.1.7 variantı sentyabr ayında Britaniyanın cənub-şərqində ortaya çıxıb. Virus aşkar edildiyi gündən bəri 100-dən çox ölkədə yayılıb. Əvvəlki tədqiqatlar bu variantın orijinal versiyadan daha yoluxucu olduğunu göstərirdi.

Digər tərəfdən isə Braziliya çərşənbə günü ölkədə COVID-19-dan 2,286 ölüm halı qeydə alındığını bildirib.

Cons Hopkins Koronavirus Resurs Mərkəzi Braziliyada virusa ümumi yoluxanların sayının 11,2 milyondan çox olduğunu xəbər verir. Bu da ölkənin ABŞ və Hindistandan sonra üçüncü sırada olması deməkdir.

Dünyaya Baxış

Dünyaya Baxış. Blinken və Lavrov Ukrayna gərginliyi ilə əlaqədar görüş keçirib
please wait

No media source currently available

0:00 0:12:30 0:00
XS
SM
MD
LG