Rusiya-Ukrayna böhranının həlli istiqamətində diplomatik səylər bu həftə də davam etdirilib. Prezident Bayden amerikalılar və rusiyalılara müraciət edərək, Ukraynaya müdaxilə ehtimalının güclü olaraq qaldığını deyib və bunun rislərini vurğulayıb. Rusiya hərbi qüvvələrinin bir hissəsini Ukrayna sərhədindən geri çəkdiyini bəyan edib. Lakin ABŞ rəsmiləri bunun təsdiqi üçün işarələrin olmadığını bildirir. Bu yaxınlarda ABŞ-da mənzillənən Xarici Jurnalistlər Assosiasiyasının üzvlərindən ibarət heyətin tərkibində Ukraynaya səfər edən müstəqil jurnalist Ələkbər Raufoğlu Amerikanın Səsinə müsahibədə ölkədə vəziyyətlə bağlı təəssüratlarını bölüşüb.