Accessibility links

Ali Rada Rusiya və Ukrayna arasındakı dostluq sazişinə son qoyub


Dekabrın 6-da Ukraynanın Ali Radası Ukrayna və Rusiya arasında dostluq sazişini ləğv edib. Qərarı 277 deputat dəstəkləyib, 20-si isə əleyhinə səs verib.

Rusiya və Ukrayna arasında Dostluq və Əməkdaşlıq Sazişi 31 may 1997-ci ildə prezident Leonid Kuçma və Boris Yeltsin tərəfindən imzalanıb.

Ölkələr bir-birinin sərhədlərini rəsmən tanıyıb, strateji tərəfdaşlıq və ərazi bütövlüyünə hörmət prinsipləri qurmuşdular. Müqavilə on il müddətinə bağlanmışdır və heç bir tərəf müqaviləni ləğv etmək istəklərini elan etmədikdə, onun etibarlılığı növbəti on il müddətinə avtomatik olaraq uzadılmalı idi.

Krımın Rusiya tərəfindən ilhaqı və Ukraynanın Donbass münaqişənin başlanmasından sonra Kremlin Ukraynanın ərazi bütövlüyünün pozması səbəbindən müqaviləni ləğv etmək üçün davamlı çağırışlar var idi. Hal-hazırda Ukraynanın bir sıra qanunlarında Rusiya rəsmi olaraq "təcavüzkar ölkə", Kiyevin nəzarəti altında olan və separatçıların hakimiyyəti altında olan ərazilər "işğal olunmuş ərazilər" adlanır.

2108-ci il sentyabrın 6-da Ukraynanın Milli Təhlükəsizlik və Müdafiə Soveti 2019-cu il martın 31-i bitən razılığın müddətini artırmamaq qərarını təsdiq edib. Sentyabrın 17-i Ukrayna prezidenti Petr Poroşenko Ukraynanın Milli Təhlükəsizlik və Müdafiə İttifaqı sərəncamın qüvvəyə minməsi qərarını imzalayıb, sazişin ləğv olunması qərarı isə Ali Radaya göndərilib.

Sentyabrın 21-dəi Ukrayna Xarici İşlər Nazirliyi Rusiyaya müqavilənin ləğvi barədə rəsmi nota göndərib və bu barədə BMT-yə məlumat verib.

Fikirləriniz

Show comments

XS
SM
MD
LG