Accessibility links

Almaniya Çex Respublikası ilə sərhədini daha iki həftə bağlı saxlayacaq


Almaniya rəsmiləri çərşənbə günü ölkənin COVID-19-un üçüncü dalğasını nəzarət altına almağa çalışdıqlarını bir vaxt Çex Respublikası ilə sərhədi daha iki həftə bağlı saxlayacaqlarını bildirib.

Berlində keçirilən mətbuat konfransında Almaniyanın daxili işlər naziri Horst Zihofer Çex Respublikasında COVID-19-la bağlı vəziyyətin hələ də "sabit olmadığını" deyib. O, sərhəd keşikçilərinə Çex Respublikasından Almaniyaya daxil olmaq istəyən hər kəsdən mənfi test sənədi tələb etmələrinə göstəriş verəcəyini deyib və sonra həmin şəxslərin 14 gün ərzində karantində qalmalı olacaqlarını bildirib.

Zihofer Avstriyanın Tirol bölgəsində vəziyyətin "xeyli yaxşılaşdığını" və bu bölgədəki sərhəd nəzarətinin bitməsinə icazə verəcəyini deyib.

Nazir jurnalistlərə Almaniyanın sərhəd patrullarından Fransa, Danimarka və Polşa da daxil olmaqla, əsasən də Pasxa tətilindən sonra, iki həftə ərzində bütün sərhədlər boyunca yoxlamalar aparmalarına göstəriş verdiyini bildirib.

Bu tədbirlər bütün hava yolları sərnişinlərinin Almaniyaya riskin yüksək olduğu və ya virusun mutant olduğu bölgələrdən gəlmələrindən asılı olmayaraq, məcburi test qaydalarının qüvvədə olduğu zaman görülür.

Daha sərt tədbirlər Almaniyada artan yeni, virusun daha yoluxucu variantlarının qarşısını almağa çalışdığı bir vaxt qüvvəyə minir. Mütəxəssislər pandemiyanın üçüncü dalğasını dayandırmaq üçün peyvəndlənmə sürətinin çox yavaş olduğu barədə xəbərdarlıq edib.

XS
SM
MD
LG