Accessibility links

Almaniyada koronavirusdan ölüm halları azalır


Almaniyada koronavirusdan ölüm hallarının nisbətən az olması ölkədə aparılan çoxsaylı testlərlə əlaqədardır, belə ki, rəsmilər daha ağır, eləcə də daha yüngül xəstəliklərdən xəbərdar olduqlarını deyirlər.

Virusla bağlı araşdırmaların təşviqi üçün Berlində hökumətin dəstəklədiyi bir alyansın açılışında danışan araşdırmaçı viroloq Kristian Drosten Almaniyada həftədə orta hesabla 500 min insanın testdən keçirdiyini deyib.

Bununla belə, Almaniya öz xəstəxanaları və tibb işçilərini virusa yoluxan xəstələrin artımına hazırlayır. Yoluxucu xəstəliklər institutundan verilən məlumata görə, ölkədə 27,436 təsdiqlənmiş koronavirusa yoluxma halı var və 114 nəfər ölüb.

Almaniya kansleri Angela Merkel koronavirus təhlilləri müsbət nəticə vermiş həkimlə kontaktdan sonra özünü evində karantinə alıb.

Merkel keçirdiyi mətbuat konfransında Almaniyada koronavirusa qarşı mübarizə çərçivəsində ictimai yerlərdə iki nəfərdən artıq görüşlərin qadağan olunduğunu elan edib.

Şərhlərə bax

XS
SM
MD
LG