Alaskanın ən böyük şəhəri Ankoricdə 6.6 bal gücündə zəlzələ baş verib. Nəticədə Milli Tsunami Xəbərdarlıq Mərkəzi Alaskanın cənubundakı sahilyanı ərazilər üçün tsunami təhlükəsi ilə bağlı xəbərdarlıq edib.
Mərkəz cümə günü bildirib ki, xəbərdarlıq ştatın Kuk İnler və cənubi Kenai yarımadasına aiddir.
ABŞ Geoloji Araşdırmalar Mərkəzi ilk öncə zəlzələnin 6.7 bal gücündə olduğunu bildirsə də, daha sonra bu rəqəmi 6.6 bala azaldıb.
Zəlzələnin episentri Alaskanın ən böyük şəhərindən 12 kilometr şimalda olub.
Zəlzələ nəticəsində binalar, ləmpə dirəkləri və ağaclar yellənib, insanlar isə təhlükəsizlik axtarışında ofislərindən qaçıb.