Accessibility links

Amerika Dövlətləri Təşkilatı Venesuelanın müxalifət nümayəndəsini təşkilata səfir təyin edib


Amerika Dövlətləri Təşkilatı Venesuelanın müxalifət nümayəndəsini bu qrupa səfir olaraq tanımaq üçün səs verib. Bu isə Venesuela prezidenti Nikolas Maduroya qarşı növbəti zərbə olub.

Amerika Dövlətləri Təşkilatının (ADT) üzvləri 18-9 nisbətində və altı nəfər bitərəf olmaqla səs verərək, Qustavo Tarreni Venesuelanın "Milli Məclisinin daimi nümayəndəsi kimi və yeni seçkiləri gözləyən və demokratik şəkildə seçilmiş bir hökumətin təyin edilməsi" kimi qəbul edib.

Çərşənbə axşamı Maduro hökuməti keçirilən səsverməni "beynəlxalq hüququn və ADT-nin nizamnaməsinin cinayət və şiddətlə pozulması" adlandırıb. O, ADT-nın qəbul etdiyi hər hansı bir qərarı nəzərdən keçiriləcəyini də bildirib.

ABŞ və digər 50 ölkə müxalifət lideri Xuan Quaydonu Venesuelanın prezidenti kimi tanıyıb.

Quaydo Maduronun prezidentliyini qeyri-qanuni elan edərək, seçki saxtakarlığını iddia etmək üçün Milli Məclisin rəhbəri olaraq konstitusiya səlahiyyətindən istifadə edib.

Maduro ABŞ-ın sanksiyalarına baxmayaraq, viran olunmuş iqtisadiyyata, tez-tez elektrik kəsintilərinə və milyonlarla vətəndaşın ölkədən qaçmasına baxmayaraq, hökümətdən getmək fikrində deyil.

XS
SM
MD
LG