Türkiyə prezidenti Rəcəb Təyyib Ərdoğan Suriya sammitindən öncə danışıqlar aparmaq üçün sentyabrın 16-da İran və Rusiya prezidentlərini qəbul edib. Suriya zirvəsinin diqqət mərkəzində Suriya prezidenti Bəşər Əsədi hakimiyyətdən devirməyə çalışan üsyançıların nəzarətindəki sonuncu ərazi olan İdlib bölgəsində durum olub.
İki il əvvəl Moskva və Tehranla bağlanmış müqaviləyə əsasən, Türkiyə Əsəd qüvvələri və üsyançılar arasında hərbi əməliyyatların azaldılması məqsədi ilə Suriyanın şimal-qərbində 12 hərbi müşahidə məntəqəsi qurub.
Türkiyənin hərbi postları bu yaxınlarda bölgədə Suriyanın hücumu səbəbilə atəşə tutulub.
Rusiya prezidenti Vladimir Putin, İran prezidenti Həsən Ruhani və Türkiyə prezidenti Rəcəb Tayyib Ərdoğan bazar ertəsi danışıqlar zamanı Suriya hökumətinin regional gərginliyi və Türkiyəyə yeni miqrant dalğası təhlükəsini artıran hücumlarından sonra Suriyanın şimal-qərbində davamlı sülhün təmin edilməsinə çalışır.
Üç lider Yəmənin İranın dəstəklədiyi Husi üsyançılarının şənbə günü Səudiyyə Ərəbistanının Aramco neft obyektlərindən ikisinə dron hücumlarından sonraya təsadüf edən sammitdən sonra birgə mətbuat konfransı keçirib.
Vaşinqton hücumlara görə İranı günahlandırıb. Tehran bazar günü bu ittihamları "mənasız" adlandıraraq rədd edib.
