Apple dəyəri 1 trilyon dollara çatan ilk şirkət olduqdan 2 il sonra bazar dəyəri 2 trilyon dollar olan ilk ABŞ şirkətidir.
Bu il şirkət Çində iPhone istehsal edən fabrikləri və koronavirus pandemiyası dövründə pərakəndə satışları bağlasa da, Apple-in səhmləri təxminən 60% dəyər qazanıb.
Şirkətin olduqca loyal müştəriləri məhsullara o qədər etibar edir ki, evdə ilişib qalarkən belə iPhone və digər cihazları onlayn olaraq almağa davam ediblər. Apple bu yaxınlarda aprel-iyun rübləri üçün qazancını açıqlayıb.
Apple getdikcə insanların həyatı və fond bazarını ələ alan Böyük texnologiya (Big Tech) şirkətləri qrupunun önündədir. Yalnız beş şirkət – Apple, Microsoft, Amazon, Facebook və Google - S&P 500-in bütün dəyərinin təxminən 23% -ni təşkil edir.
Saudi Aramco 2019-cu ilin dekabrında ictimai şirkət olduqdan qısa müddət sonra bazar dəyəri 2 trilyon dollara çatmışdı. Səudiyyə enerji istehsalçısının səhmləri neftin qiymətinin aşağı düşməsi fonunda enməyə başlayıb və bazar dəyəri indi 1,82 trilyon dollara yaxınlaşıb.
