Ərəb ölkələri Liqasının başçısı deyib ki, ərəb ölkələri İsrail və fələstinlilər arasında sülh danışıqlarının baş tuta bilməməsinə hazır olmalıdır. Baş katib Amr Musa bu açıqlamanı bu gün Ərəb ölkələri Liqasının Liviyanın Sirta şəhərində sammitinin açılışı zamanı verib. İki gün sürəcək zirvə toplantısında müzakirələrin diqqət mərkəzində İsrail-Fələstin böhranı olacq.
BMT Baş katibi Ban Ki Mun bu gün zirvə görüşündə müraciət çıxışında liqaya üzv ölkələri sülh prosesini inkişaf etdirmək səylərinə dəstək verməyə çağırıb. Cənab Ban ərəb ölkələrinin xarici işlər nazirlərini israillilər və fələstinlilər arasında əsas problemlərin həllinə kömək etmək üçün müsbət təkliflər verməyə səsləyib. O deyib ki, iki dövlət prinsipinə nail olmağın yeganə yolu danışıqlardır.
