Belarusda prezidentliyə sabiq namizədlər Nikolay Statkeviç 6, Dmitri Uss isə 5 il yarım müddətinə azadlıqdan məhrum edilib. Bu, prezident Aleksandr Lukaşenkonun opponetlərinə qarşı növbəti hökmdür. Onlar dekabr ayının 19-da seçkilərə etiraz aksiyası zamanı həbs edilib və kütləvi iğtişaşların təşkilində ittiham edilib. İnsan hüquqları müdafiəçisi, sabiq prezidentliyə namizəd Andrey Sannikov da daxil edilməklə, digər 3 namizəd bundan əvvəl 5 il müddətinə həbsə məhkum edilmişdi. Qərb hökumətləri və müxalifət qrupları Belarus hökumətinin repressiyalarını kəskin tənqid edir. ABŞ və Avropa İttifaqı Lukaşenko hökumətinə qarşı sanksiyalar tətbiq edib.