Tacikistanın təhlükəsizlik rəsmiləri Əfqanıstanla sərhədlərinin müdafiəsi üçün beynəlxalq yardıma ehtiyac olduğunu bildirir. Sərhəd qüvvlərinin komandiri Şərəf Feyzulloyev deyib ki, onun ölkəsi Sovet erasından qalan müdafiə sistemi ilə sərhədlərini islamçı ekstremistlərdən müdafiə edə bilməz. O, sərhəd bölgələrdəki vəziyyətin gərginliyini nəzərə alaraq, Tacikistanın bu problemi tez bir zamanda həll etmək istəyini dilə gətirib. Şərəf Feyzulloyev deyib ki, ölkəsinə gələn 10 il ərzində yardım lazımdır.