Accessibility links

“ASAN Radio”nun yaradıcı heyəti ABŞ-da səfərdədir


ASAN Radio-da "Hello Amerika" proqramı

ADA University-nin kommunikasiya üzrə müəllim heyəti, ASAN Xidmət İctimai Əlaqələr şöbəsinin mütəxəssisləri və ASAN Radiosunun yaradıcı heyətinin üzvləri Beynəlxalq Ziyarətçilərin Liderlik Proqramında (@International Visitor Leadership Program) iştirak edir. Bu barədə ABŞ səfirliyi Facebook səhifəsində məlumat yayıb.

Məlumatda deyilir ki, ABŞ-ın Azərbaycandakı səfirlyinin dəstəyi ilə həyata keçirilən layihə çərçivəsində ABŞ-a səfər edən IVLP proqramının iştirakçıları yerli radiostansiyalar, yayım qurumları və kommunikasiya tədrisində ixtisaslaşan tədris mərkəzlərinə səfər edir, təcrübə mübadilərinə qatılır və yeni tərəfdaşlıq əlaqələri qururlar.

Mayın 3-dən etibarən hər cümə “ASAN Radio”da (100 FM) saat 18.45-də “Hello, America!” - “Salam, Amerika!” adlı həftəlik proqram yayımlanacaq.

Proqramda Amerika cəmiyyətinin siyasi və sosial fərqlilikləri, ənənələri və mədəniyyəti barədə maraqlı müsahibələr və reportajlar yer alacaq.

XS
SM
MD
LG