Accessibility links

Avropa Fəza Agentliyinin kosmik gəmisi Günəşə yaxınlaşacaq


Avropa Fəza Agentliyinin kosmik gəmisi Günəşə yaxınlaşacaq
please wait

No media source currently available

0:00 0:01:31 0:00

Avropa Fəza Agentliyinin tədqiqatçıları tarixi səfərə hazırlaşır. Onlar deyir ki, istiyə qarşı davamlı olmaq üçün hazırlanan Solar Orbiter kosmik gəmisi Günəşə daha öncə olmadığı qədər yaxın məsafəyə səfər edəcək. Bu isə alimlərə günəş qasırğalarının necə formalaşdığını araşdırmağa imkan yaradacaq.

Biz ilk dəfə Günəşə bu qədər yaxın məsafəyə səyahət edəcəyik, çoxlu şəkillər çəkəcəyik və Günəşin özü və Günəşdən çıxan günəş küləyi barədə çox sayda maraqlı məlumat toplayacağıq
Daniel Muller

Avropa Fəza Agentliyinin alimləri Günəşlə bağlı daha öncə görülməmiş araşdırma aparmaq üçün Solar Orbiteri missiyaya hazırlayır.

“Biz ilk dəfə Günəşə bu qədər yaxın məsafəyə səyahət edəcəyik, çoxlu şəkillər çəkəcəyik və Günəşin özü və Günəşdən çıxan günəş küləyi barədə çox sayda maraqlı məlumat toplayacağıq”- deyə, layihənin alimi Daniel Muller bildirir.

Kosmik gəmi Günəşə 43 milyon kilometrlik məsafəyə yaxınlaşmaq üçün 3 il səyahət edəcək və orada Yer kürəsi ilə müqayisədə 13 dəfə daha çox Günəş işığına məruz qalacaq.

“Günəş küləklərini araşdırmaqla biz Günəşin tərkibi və kosmosda hava şəraiti barədə daha çox məlumat əldə edə bilərik. Biz Günəşin, GPS (Qlobal Mövqetəyinetmə Sistem) və peyk rabitəsinə təsir göstərən Yer kürəsinə yaxın mühiti necə dəyişdiyini anlayacağıq”, Müller söyləyib.

Tədqiqatçılar kosmik gəminin üzləşəcəyi kəskin temperatura tab gətirməsi üçün xüsusi istidən qoruyan qalxan hazırlayıb.

Europe Comet Chaser
Europe Comet Chaser

“İstilikdən qoruyan qalxan Günəş istisinin çoxunu özünə çəkəcək. O, təxminən Selsi şkalası ilə 500 dərəcə istiyə tab gətirməlidir. Ona görə, çox sayda yeni materiallar inkişaf etdirilib ki, istilik qalxanın arxasında qalsın və kosmik gəmiyə yaxınlaşmasın ki, oradakı elektronika işləsin. Bu materiallara toz halına gətirmiş heyvan sümüklərindən hazırlanan materiallar daxildir” – deyə, Dr. Mişel Spreyk bildirib

Kosmik gəmini hazırlayan mühəndislər onu NASA-nın 2020-ci ilədək başladacağı yeddi illik missiya hazırlamaq üçün ilk canlı sınaq keçirəcəklər.

Fikirləriniz

Show comments

XS
SM
MD
LG