Avropa Parlamenti Azərbaycanda demokratiya problemləri ilə bağlı dinləmə keçirir

Mayın 9-12-də Avropa Parlamentində Azərbaycan, Belorus və Şri-Lankada insan hüquqları, demokratiya və qanunun aliliyinin pozulması haqqında dinləmələr keçirilir.
Avropa Parlamentinin deputatları adı çəkilən pozuntular haqqında qətnamə üzrə təkliflər irəli sürəcəklər. Bu barədə xəbəri Turan agentliyi Avropa Parlamentinin mətbuat xidmətinə istinadən yayıb.
Agentlik bildirir ki, müxtəlif beynəlxalq qurumların hesabatlarına görə, Azərbaycan vətəndaş azadlıqlarının və demokratiyanın pozulmasına görə dünyada ilk yerlərdən birini tutur.