Accessibility links

Azərbaycan Avropa Oyunlarında 291 atletlə təmsil olunacaq


Azərbaycan idmançılarına dəstək tədbiri

Azərbaycanı “Bakı-2015”də 291 atlet təmsil edəcək. Azərbaycanın nümayəndə heyəti isə ümumilikdə 441 nəfərdən ibarətdir və onun 150-si rəsmi şəxslərdir. Bu barədə “Bakı-2015” birinci Avropa Oyunlarında iştirak edəcək Azərbaycan idmançılarına dəstək tədbirində milli komandanın rəhbəri Könül Nurullayeva bildirib.

Onun sözlərinə görə, Azərbaycan Rusiya kollektivindən sonra ən böyük heyətlə təmsil olunan ikinci kollektivdir.

“İyunun 8-də komandamız digər ölkələrdən olan idmançılar kimi Atletlər kəndində məskunlaşacaq. Kanoe və kayak yarışlarında mübarizə aparacaq idmançılarımız isə Mingəçevirdəki Atletlər kəndində yerləşəcəklər. İyunun 11-də isə Atletlər kəndində Azərbaycan komandasını salamlama mərasimi təşkil olunacaq. Ümid edirəm ki, atletlərimiz birinci Avropa Oyunlarında uğurla çıxış edib xalqımızı sevindirəcəklər”, o qeyd edib.

Gənclər və idman naziri Azad Rəhimov deyib ki,Azərbaycan idmançıları mötəbər yarışa ciddi hazırlaşıb və əsas mükafatlar uğrunda mübarizə aparacaq.

“Bakı-2015” idmançılar üçün yeni imkanlar açacaq və nailiyyət qazanmalarına töhfə verəcək”, nazir qeyd edib.

Dünyaya Baxış

Dünyaya Baxış. Blinken və Lavrov Ukrayna gərginliyi ilə əlaqədar görüş keçirib
please wait

No media source currently available

0:00 0:12:30 0:00
XS
SM
MD
LG