Accessibility links

Avstraliya Facebook və Google platformalarının media qruplara məzmuna görə ödəniş etməsi üçün qanun təqdim edib


Xəzinədar Coş Fridenberq çərşənbə axşamı Facebook və Google sosial media platformalarının media qurumlarına xəbər məzmunu üçün pul ödəməsinə dair qanunvericiliyin Avstraliya parlamentinə təqdim ediləcəyini bildirib.

Fridenberq qeyd edib ki, bu qərar təqdim edilməsindən sonra və növbəti il qanunvericilərin səsverməsindən əvvəl parlament komitəsi tərəfindən nəzərdən keçiriləcək.

Fridenberqin sözlərinə görə, təklif qanuna çevrilərsə, internet nəhəngləri yerli mətbuat və teleyayım şirkətləri ilə məzmuna görə ödənişlər haqda razılaşmalı olacaq. Hökumət tərəfindən təyin olunmuş vasitəçi razılaşma əldə edilmədiyi təqdirdə ödəmə şərtləri ilə bağlı qərar verəcək.

Facebook ödəniş etmək əvəzinə Avstraliya xəbər kontentini bloklaya biləcəyini deyib.

Google sözügedən qanunun Google və YouTube kanalında "kəskin dərəcədə pis" axtarış nəticələrinə səbəb olacağını və pulsuz xidmətləri təhlükə altına qoyacağı barədə xəbərdarlıq edib.

Son vaxtlara qədər əksər ölkələr şirkətlərin reklam pullarını dünyanın ən böyük sosial media saytlarına və axtarış sisteminə köçürdüyü və xəbər agentliklərini əsas gəlir mənbəyindən məhrum etdiyinin şahidi olub. Reklam gəlirlərindəki kəskin azalma iş yerlərinin bağlanması və işdən çıxarılma dalğasına səbəb olub.

Tənzimləyici orqanlar Fridenberqin dediyinə görə, Avstraliyanın onlayn reklam xərclərinin 80%-nə sahib olan iki nəhəng şirkəti dayandırmağa başlayır.

Dünyaya Baxış

Dünyaya Baxış. Vyanada İranla nüvə sazişi üzrə danışıqlar bərpa olunub
please wait

No media source currently available

0:00 0:11:33 0:00

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG