Bakının Zabrat qəsəbəsində “Mercedes” və VAZ-2106 markalı minik avtomobillərinin toqquşması nəticəsində 6 nəfər ölüb, 2 nəfər ağır vəziyyətdə xəstəxanaya yerləşdirilib.
Daxili İşlər Nazirliyinin mətbuat xidmətindən Amerikanın Səsinə bildiriblər ki, qəza sentyabrın 2-də yerli vaxtla gecə saat 2 radələrində baş verib. Ölənlərin hamısı VAZ-2106 markalı avtomobildə olanlardır. “Mercedes”in sürücüsü və sərnişini ağır vəziyətdədir.
