Accessibility links

Azərbaycan Hərbi Dəniz Qüvvələri Xəzər dənizində taktiki təlimlər keçirir


İyunun 22-dən Azərbaycan Hərbi Dəniz Qüvvələrində (HDQ) taktiki təlimlər başlayıb.

Müdafiə Nazirliynin məlumatına görə, döyüş və təminat gəmiləri, eləcə də dəniz piyadalarının iştirakı ilə keçirilən təlimlərin məqsədi Xəzər dənizinin ölkəyə məxsus sektorunda enerji infrastrukturlarının mühafizəsi və HDQ birləşmələri tərəfindən birgə döyüş əməliyyatlarının aparılmasıdır.

“İki mərhələdə keçirilən təlimlərdə döyüş fəaliyyətlərinin təşkili və qüvvələrin döyüşdə idarə olunması üzrə komandirlərin və qərargahların bacarıqları təkmilləşdiriləcək. Təlimlərin birinci mərhələsində gəmi və katerlər döyüşə və səfərə hazırlanacaq, düşmənin suüstü hücum vasitələrini və üzən minalarını məhv edəcək, eləcə də təyin olunmuş rayonda lövbərə duraraq universal müdafiəni təşkil edəcəklər. Təlimlərin ikinci mərhələsində Xəzər dənizinin ölkəyə məxsus sektorunda terror-diversiya fəaliyyətlərinin qarşısının alınması üzrə döyüş tapşırıqlarının yerinə yetirilməsi, qəzaya uğramış gəmiyə yardımın göstəriməsi nəzərdə tutulub,” məlumatda deyilir.

Hərbi Dəniz Qüvvələrinin komandanı kontr-admiral Sübhan Bəkirov bildirib ki, taktiki təlimlərdə 1 000 nəfərə yaxın şəxsi heyət, 43 gəmi və kater, 2 helikopter iştirak edəcək.

Təlimlər iyunun 23-dək davam edəcək.

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG