Accessibility links

Azərbaycan və İran hərbi dəniz qüvvələrinin əməkdaşlıq məsələlərini müzakirə edib


Azərbaycan Hərbi Dəniz Qüvvələrinin (HDQ) komandanı vəzifəsini icra edən Zaur Hümmətov İranın Bəndər-Abbas limanında İran HDQ-nin birinci bölgə üzrə komandanı Müctəba Məhəmmədi ilə görüşüb.

APA agentliyinin məlumatına görə, görüşdə İranın dəniz sərhədlərinin böyük olduğunu diqqətə çatdıran Məhəmmədi bildirib ki, dəniz ticarətinin təhlükəsizliyini təmin etmək üçün ölkəsinin güclü hərbi dəniz qüvvələrinə ehtiyacı var.

“Fars körfəzində, Xəzər və Oman dənizlərində ticarət donanmasının təhlükəsizliyini təmin etmək İran Hərbi Dəniz Qüvvələrinin öhdəsindədir,” Məhəmmədi vurğulayıb.

Zaur Hümmətov Azərbaycan HDQ-nin İranla hərbi məhsulların istehsalı və təmiri sahəsində təcrübə mübadiləsi aparmağa hazır olduğunu deyib.

O qeyd edib ki, Xəzər dənizində iki ölkənin dənizçiləri arasında konstruktiv və yaxşı münasibətlər var.

“Yaxın gələcəkdə iki ölkənin dənizçilərinin birgə təlimi ilə bağlı daha çox əməkdaşlıq ediləcək,” Hümmətov bildirib.

Şərhlərə bax

XS
SM
MD
LG