Accessibility links

Azərbaycanda 4129 nəfər koronavirusa yoluxub, 20 nəfər vəfat edib


Son sutkada Azərbaycanda koronavirus infeksiyasına yoluxma ilə bağlı 4 129 yeni hal aşkar edilib, 968 nəfər sağalıb, 20 nəfər vəfat edib.

Bu barədə avqustun 18-də Nazirlər Kabineti yanında Operativ Qərargah məlumat yayıb.

Bu gün yoluxma sayı 807 nəfər artıb. Dünən yoluxanların sayı 3 322 nəfər olub.

Pandemiya başlayandan yoluxanların ümumi sayı 377 304 nəfər olub, o cümlədən 341 142 nəfər müalicə olunub, 5 208 nəfər vəfat edib. 30 954 aktiv xəstənin müalicəsi davam edir. Son sutka 17 740 test keçirilib.

Azərbaycanda yanvarın 18-dən vaksinasiya başlanıb. Bu günə qədər vurulan vaksinlərin ümumi sayı 5 milyon 932 min 734, birinci mərhələ üzrə peyvənd olunanların ümumi sayı 3 milyon 526 min 467, ikinci mərhələ üzrə vaksinasiya edilənlərin sayı 2 milyon 406 min 267 nəfərdir.

Azərbaycanda koronavirus infeksiyasına ilk yoluxma 2020-ci il fevralın 28-də aşkarlanıb.

Operativ Qərargahın qərarına görə, mayın 31-dən Azərbaycanda açıq havada maska taxılması ləğv olunub. Bakı metropoliteninin, şəhərlərarası və rayonlararası sərnişindaşıma fəaliyyəti bərpa edilib.

İyunun 10-dan “Mall” və iri ticarət mərkəzlərinin, idman sağlamlıq obyektlərinin, ibadət yerlərinin fəaliyyətinə icazə verilib. Həmçinin iyunun 10-dan çimərliklər fəaliyyət göstərir.

İyulun 1-dən toy, nişan və digər mərasimlərin keçirilməsinə icazə verilib.

Amerika İcmalı

Amerika İcmalı - 24 Sentyabr 2021
please wait

No media source currently available

0:00 0:28:23 0:00
XS
SM
MD
LG