Accessibility links

Azərbaycanda COVİD-19-a yoluxanların sayı azalıb, sağalanlar çoxalıb


Koronavirus

Avqustun 31-də Azərbaycanda koronavirus (COVID-19) infeksiyasına 126 yeni yoluxma faktı qeydə alınıb, 144 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahın məlumatına görə, COVID-19 üçün götürülən analiz nümunələri müsbət çıxan 3 nəfər vəfat edib.

Avqustun 31-də COVİD-19 statistikası
Avqustun 31-də COVİD-19 statistikası

Azərbaycanda indiyədək ümumilikdə 36435 nəfər koronavirus infeksiyasına yoluxub. Onlardan 33847 nəfər müalicə olunaraq sağalıb, 534 nəfər vəfat edib, aktiv xəstə sayı 2054 nəfərdir.

Ölkədə son sutka ərzində 5042, hazırkı dövrədək isə 922069 test aparılıb.

Dünən, avqustun 30-da ölkədə 135 koronavirusa yoluxub, 127 sağalıb.

COVID-19 haqqında qısa məlumat

Azərbaycanda koronavirus infeksiyasına ilk yoluxma fevralın 28-də aşkarlanıb.

Nazirlər Kabineti yanında Operativ Qərargahın məlumatına görə, COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejimi iyulun 5-dən avqustun 5-dək uzadılıb.

Bundan əlavə, 2020-ci il iyulun 4-dən avqustun 5-dək Bakı metropolitenində sərnişindaşıma fəaliyyəti dayandırılıb.

Xüsusi karantin rejiminin sərtləşdirildiyi şəhər və rayonlarda avqustun 5-dək şənbə və bazar günləri bütün ictimai nəqliyyatın hərəkəti dayandırılıb.

Virusa yoluxma dinamikasının azaldıması istiqamətindəki tədbirlər çərçivəsində bütün ölkə ərazisində ictimai yerlərdə, o cümlədən küçələrdə, bulvarlarda 5 nəfərdən artıq qruplarda cəmləşmək qadağan edilib.

Xüsusi karantin rejimi dövründə avqustun 31-dək bir çox iş və xidmət sahələri üzrə fəaliyyətə icazə verilmir.

Avqustun 5-dən SMS icazə sistemi və bəzi sahələr üzrə işə cəlb olunan işçilərin sayına tətbiq edilən 30 və 50 faizlik məhdudiyyətlər ləğv edilib. Həmçinin bir sıra fəaliyyət sahələrində iş rejimi bərpa olunub.

Avqustun 18-dən ictimai iaşə müəssisələri, o cümlədən restoranlar fəaliyyətə başlayıb.

Karantin rejimi yenidən sentyabrın 30-dək uzadılıb. Bununla yanaşı sərt karantin rejimi Bakı, Sumqayıt və Abşeron rayonlarında hələ qalır. İnsanların 10 nəfərədək qrup halında toplaşmasına icazə verilir.

Azərbaycanın təhsil naziri Emin Əmrullayev bildirib ki, ölkədə tədris ili sentyabrın 15-də başlayacaq. Nazirin sözlərinə görə, məktəblərdə dərslər bərpa ediləcək, amma xüsusi şərtlər tətbiq ediləcək.

Nazirlər Kabinetinin qərarına əsasən, Bakı metrosu sentyabrın 15-dək işləməyəcək.

Şərhlərə bax

XS
SM
MD
LG