Accessibility links

Azərbaycanda COVID-19 qarşı vaksinasiya başlayır


Gələn həftənin əvvəlində Azərbaycanda COVID-19-a qarşı vaksinasiyaya başlanılacaq.

Azərbaycan Nazirlər Kabinetinin mətbuat xidmətinin rəhbəri İbrahim Məmmədov bildirib ki, həm Türkiyə, həm də Azərbaycan Çin istehsalı vaksin alıb.

Azərbaycan Səhiyyə Nazirliyinin nəzdində fəaliyyət göstərən COVID-19-la mübarizə işçi qrupunun üzvü Aris Rüstəmov deyib ki, vaksinasiya təlim kursu keçmiş tibb işçiləri tərəfindən ediləcək.

“Peyvənd ediləcək poliklinikalarda tibb işçiləri seçilərək xüsusi kurslara cəlb olunub. Peyvəndlər xüsusi ayrılmış peyvənd otaqlarında həkim nəzarəti altında ediləcək. Bu otaqların sayı qeydiyyat otağı, vaksinasiya otağı və müşahidə otağı olaraq bölünüb. İlk olaraq müraciət edən vətəndaş qeydiyyat otağında qeydiyyata alınır. Daha sonra vaksinasiya otağına ötürülür. Peyvəndlənmə olunduqdan sonra 30 dəqiqə ərzində vətəndaş müşahidə otağında yarana biləcək hər hansı bir əks təsirlə əlaqəli olaraq izlənməyə alınır. Bu müddət ərzində heç bir əlamət üzə çıxmazsa vətəndaş evə buraxılır,” o qeyd edib.

Onun sözlərinə görə, peyvəndlənmə yalnız həkim yoxlanışı və göstərişi ilə ediləcək.

“Bu səbəbdən vaksinasiyadan öncə müvafiq olaraq sahə həkiminin yoxlanışından keçmək mütləqdir,” Rüstəmov qeyd edib.

XS
SM
MD
LG