Accessibility links

Azərbaycanda ilk dəfə əlilliyi olan şəxslər üçün moda günü keçiriləcək


ABŞ-ın Azərbaycandakı səfirliyi

Kekalove Adaptive startapının təşkilatçılığı, ABŞ-ın Azərbaycandakı Səfirliyinin dəstəyi və Fairmont Baku otelinin ev sahibliyi ilə regionda ilk dəfə əlilliyi olan şəxslər tərəfindən adaptiv geyimlərin təqdimatı keçirilicək. Tədbir iyunun 6-da keçiriləcək.

Bu barədə ABŞ-ın Azərbaycandakı Səfirliyi məlumat yayıb.

Məlumatda deyilir ki, tədbirin məqsədi əlilliyi olan şəxslərin ehtiyaclarını nəzərə alan xüsusi geyim dizyanlarını - adaptiv geyimləri nümayiş etdirməkdir.

“Şounun ardınca əlilliyi olan şəxslərin əsas problemlərini işıqlandırmaq və vacib məsələlər barəsində dialoqu gücləndirmək məqsədilə bir neçə panel müzakirələri keçiriləcək. Tədbirdə ABŞ-ın Azərbaycandakı səfirliyinin siyasi məsələlər üzrə mütəxəssisi Con Hussay də çıxış edəcək,” ABŞ Səfirliyi qeyd edir.

Kekalove Adaptive 2019-cu ildən fəaliyyət göstərir. Sosial biznesin məqsədi əlilliyi olan şəxslər üçün rahat və dəbli geyimlər hazırlamaqdır. Kekalove Adaptive Creative Spark Big Ib dea biznes müsabiqəsinin beynəlxalq qalibi və 2020-ci il Yunus&Youth sosial biznes akseleratorunun məzunudur. Bu moda şousu startapın bu qəbildən sayca ilk tədbiridir.

Dünyaya Baxış

Dünyaya Baxış. Çin Tayvanı ilhaqı ilə bağlı hədəsini təkrarlayır
please wait

No media source currently available

0:00 0:11:34 0:00
XS
SM
MD
LG