Accessibility links

Azərbaycanda koronavirusa yoluxanların sayı 10 mini ötüb


Son gündə Azərbaycanda koronavirus (COVID-19) infeksiyasına 367 yeni yoluxma faktı qeydə alınıb, 156 nəfər müalicə olunaraq sağalıb və evə buraxılıb.

Bu məlumatı iyunun 15-də Nazirlər Kabineti yanında Operativ Qərargah açıqlayıb. Məlumatda qeyd edilib ki, COVID-19 üçün götürülən analiz nümunələri müsbət çıxmış 3 nəfər də vəfat edib:

“İndiyədək ölkədə ümumilikdə 10324 nəfərin koronavirus infeksiyasına yoluxması faktı müəyyən edilib, onlardan 5739 nəfər müalicə olunaraq sağalıb, 122 nəfər vəfat edib, 4463 nəfərin xüsusi rejimli xəstəxanalarda müalicəsi davam etdirilir” - deyə, məlumatda deyilir.

Son sutkada yeni yoluxma hallarının müəyyənləşdirilməsi ilə əlaqədar 5052, ötən müddət ərzində isə ümumilikdə 386898 test aparılıb.

Müşahidələr göstərir ki, Azərbaycanda koronavirus (COVID-19) infeksiyasına yoluxanların sayı artıb.

İyunun 14-də olan açıqlamaya görəAzərbaycanda koronavirus infeksiyasına 387 yeni yoluxma faktı qeydə alınıb, 274 nəfər müalicə olunaraq sağalıb və evə buraxılıb.

Azərbaycanda koronavirus infeksiyasına ilk yoluxma halı fevralın 28-də aşkarlanıb. Martın 24-dən ölkədə karantin elan edilib.

2019-cu ilin sonlarında dünyada yeni koronavirus aşkar edilib.

Bu il martın 11-də Ümumdünya Səhiyyə Təşkilatı (DST) koronavirusu pandemiya elan edib.

Dünyada sürətlə yayılan bu virusa indiyə qədər 7 milyon 911 mindən çox şəxsin yoluxduğu bildirilir. Onlardan da artıq 433 mindən çox şəxsin vəfat etdiyi açıqlanıb.

Dünyaya Baxış

Dünyaya Baxış - 27 iyul 2021
please wait

No media source currently available

0:00 0:10:00 0:00

Amerika İcmalı

Amerika İcmalı - 23 İyul 2021
please wait

No media source currently available

0:00 0:29:57 0:00
XS
SM
MD
LG