Müxtəlif istiqamətlərdə əvvəlcədən müəyyən edilmiş koordinatlar üzrə erməni silahlı bölmələrinin cəmləşdiyi nöqtələrə vurulan zərbələr nəticəsində erməni tərəfinin uzun müddətli atəş nöqtəsi sıradan çıxarılıb.
Azərbaycan Müdafiə Nazirliyinin mətbuat xidmətinin məlumatına görə, qarşı tərəf canlı qüvvə sarıdan ən azı üç nəfər itki verib.
Müdafiə Nazirliyi rəsmi saytında atəş nöqtəsinin məhv edilməsini əks etdirən video material da yerləşdirib.
Erməni tərəfi uzunmüddətli atəş nöqtəsinin məhv edilməsi və hərbçilərinin öldürülməsi barədə Azərbaycan Müdafiə Nazirliyinin məlumatı ilə bağlı hər hansı açıqlama verməyib.
