Azərbaycanın xarici işlər naziri Elmar Məmmədyarov BMT Baş Assambleyasının 66-cı sessiyasında iştirak etmək üçün Nyu-Yorka gedib.
Xarici İşlər Nazirliyinin mətbuat xidmətinin məlumatına görə, cənab MəmmədyarovBMT Baş Assambleyasının iclasında iştirak etməklə yanaşı, bir sıra ikitərəfli görüşlər keçirəcək.
Ermənistan-Azərbaycan münaqişəsinin dinc yolla nizamlanmasına vasitəçilik edən ATƏT-in Minsk Qrupunun həmsədrləri də Nyu-Yorka gedib. Onlar sentyabrın 20-də BMT Baş Assambleyası çərçivəsində görüşlər keçirəcək.
Mətbuat Xidmətinin digər bir məlumatında isə deyilir ki,
Ərəb Dövlətləri Liqasının xarici işlər nazirlərinin 136-cı Şurasının iclasında ərəb dövlətləri tərəfindən Azərbaycanın BMT Təhlükəsizlik Şurasının qeyri-daimi üzvlüyünə namizədliyinin dəstəklənməsinə dair qərar qəbul edilib.
