Oktyabrın 1-də Bakıda sərnişin avtobusu qatarla toqquşub. Hadisə paytaxtın Xəzər rayonu Binə qəsəbəsində baş verib.
Hadisə yerindən yayılan videolardan görünür ki, sərnişinlə dolu 160 saylı marşrut avtobusu hərəkətdə olan qatarın yoluna çıxıb. Nəticədə qatar avtobusu vurub.
Səhiyyə Nazirliyinin mətbuat xidmətindən Amerikanın Səsinə bildiriblər ki, Təcili və Təxirəsalınmaz Tibbi Yardım Stansiyasının avtomobilləri hadisə yerindən 26 xəsarət alan insan götürüb, onlardan biri vəfat edib.