ABŞ prezidenti Barak Obama cari həftənin əvvəlində imzaladığı maliyyə islahatlarına dair qanunun onun ölkənin iqtisadi dirçəliş planının təməl daşı olduğunu deyib. Həftəlik radio müraciəti zamanı dövlət başçısı bildirib ki, yeni qanun Wall Streetdən Vaşinqtonadək hər kəsdən cavabdehlik tələb edir. Prezident Obama 1930-cu illərin Böyük Depressiyası dövründən bəri qəbul edilən ən köklü ishalatların Amerika xalqını iqtisadi böhrana yol açan səhlənkarlıqdan xilas edəcəyini bildirib.
Respublikaçıların isə həftəlik radio müraciətlərini səhiyyə xidmətləri, iş yerlərinin açılması və iqtisadi inkişafa həsr edib. Barak Obama hesab edir ki, respublikaçıların proqramları milli deficit və iş yerlərinin itirilməsinə yol açacaq.