Son rəy sorğularına görə, Barak Obamanın prezidentlik fəaliyyətinə əvvəllərlə müqayisədə daha müsbət yanaşılır. Kvinnipak universitetinin keçirdiyi sorğunun nəticələrinə görə, respondentlərin 48 faizi prezidentin işini yüksək qiymətləndirib. 44 faiz isə onun fəaliyyətlərindən narazılığını bildirib. Sorğu Obamanın prezidentlik nailiyyətlərinə dair fikirlərin yaxın olduğunu müəyyən edib. 1600 qeydiyyatdan keçmiş seçicinin iştirakı ilə sorğu yanvar ayının 4-i ilə 11-i arasında aparılıb. Kvinnipakın noyabr seçkilərdən dərhal sonra keçirdiyi sorğuda amerikalıların 49 faizi onun fəaliyyətindən narazı olduğunu bildirmişdi.
