Accessibility links

ABŞ Seçkiləri 2020

24 sabiq Respublikaçıdan Baydenə dəstək

Bazar ertəsi Respublikaçıların Milli Qurultayı başladığı bir vaxt Arizonanın sabiq senatoru Cef Fleyk 20-dən çox Konqresin sabiq Respublikaçı üzvləri ilə birlikdə prezidentliyə Demokrat namizəd Co Baydenə dəstəyini ifadə edib.

Baydenin kampaniyası keçmiş Respublikaçı qanunvericilərin "Bayden üçün Respublikaçılar" proqramına qatıldığını açıqlayıb. Bazar ertəsi açıqlanan proqramın bir hissəsi Baydenə səs verməyi düşünən Respublikaçılarla qarşılıqlı ünsiyyətin qurulmasıdır.

Bayden kampaniyasının siyahısında olanların bir neçəsi sabiq vitse-prezidentə dəstək verdiklərini açıqlamışdılar. Onlar arasında sabiq Pensilvaniya nümayəndəsi Çarli Dent və Nyu Hampşir və Virciniya ştatlarından sabiq senatorlar Qordon Hömpri və Con Vorner də var.

Ən çox diqqət çəkən şəxslərdən biri, Senatda olduğu müddətdə prezident Donald Tramp ilə mövqeləri toqquşan və prezidentə qarşı müxalif olduğu üçün qəzet başlıqlarına çıxan Cef Fleykdir.

Ötən ilin sentyabr ayında Fleyk “The Washington Post” qəzetinə verdiyi açıqlamada Trampın "bizim əlimizdən aldığı ən yüksək vəzifəyə bu qədər açıq-aşkar hörmətsizlik göstərdiyini" yazaraq Respublikaçıların ikinci müddət prezidentlik təklifini dəstəkləməməsinə təkan vermişdi.

Fleyk bazar ertəsi Baydeni dəstəkləyən açıqlamalar verərək, seçicilərin "xaosu dayandıracaq və ziyanları aradan qaldıracaq birini" seçmələri lazım olduğunu deyib.

Baydeni təsdiqləyən Respublikaçıların elanı, Respublikaçı tərəfdarlarını nümayiş etdirərək mötədil və mühafizəkar seçiciləri özünə cəlb etmək Bayden kampaniyasının strategiyasında ən son hissə idi.

Keçən həftə Demokratların Milli Qurultayında çıxış edən respublikaçılar arasında Ohayonun sabiq qubernatoru Con Kasiç və Nyu Cersi ştatının keçmiş qubernatoru Kristin Tod Vitman, keçmiş dövlət Kktibi Kolin Pauer və Nyu York-un sabiq təmsilçisi Susan Molinari də var idi.

“Fox News”a verdiyi açıqlamada Tramp təşviqat kampaniyası bazar ertəsi Baydeni dəstəkləyən respublikaçılar açıqlamasını inkar edib.

"Co Bayden yarım əsrdir Vaşinqton bataqlığında uğursuzluğa uğrayıb, buna görə də bataqlıq məxluqları özlərindən birini qorumaq üçün toplaşdıqda heç kim təəccüblənməməlidir" deyə, Tramp kampaniyasının kommunikasiya direktoru Tim Martauf bildirib.

"Prezident Tramp 95 faizdən çox - həqiqi respublikaçı seçiciləri arasında görünməmiş bir dəstəyə sahibdir. O həmçinin, qaradərili amerikalılar, latın amerikalıları və həmkarlar ittifaqı üzvləri kimi Baydenin əsas Demokratik dairələrində güclü dəstək alır. Prezident Trampın bütün amerikalılar üçün uğur rəqəmləri onu noyabr ayında qələbəyə aparacaq."

See all News Updates of the Day

ABŞ-da siyasi partiyalara dəstək

ABŞ-da siyasi partiyalara dəstək
please wait

No media source currently available

0:00 0:01:36 0:00

Qırmızı və mavi ştatlar

Qırmızı və mavi ştatlar
please wait

No media source currently available

0:00 0:01:11 0:00

ABŞ seçki debatlarında moderatorların rolu

ABŞ seçki debatlarında moderatorların rolu
please wait

No media source currently available

0:00 0:03:36 0:00

Birləşmiş Ştatlarda siyasi təqvimdə növbəti mühüm gün prezident Donald Tramp və onun demokrat rəqibi Co Bayden arasında üç debatdan birincisinin keçiriləcəyi 29 sentyabrdır. Amma prezidentliyə namizədlər debatlarda podiumda tək olmur, müzakirələr moderator tərəfindən aparılır. Debat zamanı moderator aparıcı rol oynayır və demək olar həmişə diqqət mərkəzindədir.

Debat zamanı adətən diqqət mərkəzində namizədlər olsa da, podiumda nəyin nə zaman deyildiyi haqda fikir söyləyən üçüncü şəxs var.

Debatlardakı moderator təkcə sual verməklə kifayətlənmir.

Con Kox, Vanderbilt Universiteti: “Fikrimcə, moderatorun ən mühüm işi diqqətlə izləməkdir. Onlar cavab verəndə, ya da mübahisə yarananda davam etmək üçün lazım olan sonrakı sualları verməkdir.”

Tanınmış jurnalistlər hər iki partiyanın təmsil olunduğu Prezidentlərin Debatlarına dair Komissiya tərəfindən debatlarda moderator seçilir.

İctimai Yayım kanalının mərhum aparıcısı Cim Lehrer ən çox sayda – 12 debata moderatorluq etmişdi.

Virciniya Universitetinin Miller Mərkəzinin baş elmi işçisi Meri Keyt Keri Cim Lehrerin moderatorluq etdiyi debatlar haqda seminarda iştirak edib.

“O deyirdi ki, əgər uzun və mürəkkəb sual verirsinizsə, o zaman uzun və mürəkkəb cavab alacaqsınız. O bu kimi suallar verməyi sevirdi, məsələn, yaxşı sövdə sizin nə deməkdir, ya da siz bununla razısınızmı? Belə suallar.”

Kerinin sözlərinə görə, Lehrer debatdan öncə qaydalarını necə qoyacağını izah etmək üçün namizədlərlə görüşürdü. O həmçinin dəstək almaq üçün auditoriyaya da qaydaları izah edirdi.

Meri Keyt Keri, Virciniya Universiteti: “Əgər namizədlərdən biri qaydaları pozurdusa, ya çox danışaraq, o birinin danışmasına imkan vermirdisə və ya mane olurdusa, auditoriya qaydaları bildiyi üçün bu adamı qeyd etməyə başlayırdı. Və bu moderatorun işini asanlaşdırırdı və o, `bağışlayın, bu, qaydaların pozulmasıdır, keçirik o biri namizədlərə” deyə bilirdi.”

Namizədlərdən biri yanlış bir şey söyləsə, o zaman nə baş verir?

Meri Keyt Keri, Virciniya Universiteti: “O hesab etmirdi ki, moderatorun vəzifəsi faktların araşdırılmasından ibarətdir. Onun fikrincə, moderator belə deyə bilərdi: Mən sizə aydınlaşdırmaq üçün imkan vermək istərdim.”

Cennifer Mersiye, Texas A&M Universiteti: “2012-c ildə Kendi Krouli ilə bağlı mübahisələr oldu. O, debat zamanı Romninin faktlarını yoxladı.”

Romni:”Mən bunun protokol üçün əlavə olunmasına əmin olmaq istəyirəm, çünki prezidentə Benqazidəki hücumu terror aktı adlandırması üçün 14 gün lazım oldu.”

Kendi Krouli: "İcazə versəniz, mən deyə bilərdim, o, əslində terror aktı deyib."

Obama: "Kendi, bunu bir qədər ucadan deyə bilərsinizmi?"

“Namizədlər arasında gərgin debat gedirdi və o, müzakirələri davam etdirmək üçün müdaxilə etdi. Bildiyiniz kimi, bunu etdiyinə görə sağ cinahda böyük məsələ qalxdı”, Texas A&M Universitetindən Cennifer Mersiye bildirir.

2020-ci il prezidentliyə namizədlər arasında debatlarda moderatorlar artıq müəyyən edilib.

FOX News tele kanalının jurnalisti Kris Vallas sentyabrın 29-da keçiriləcək ilk debatların moderatoru olacaq. O, 2016-cı ildə də moderator olub.

C-SPAN ictimai tele kanalın prodüseri və aparıcısı Stiv Skalli ikinci debata moderatorluq edərək.

Üçüncü debatın moderatoru NBC News tele kanalının Ağ Evdəki müxbiri Kristen Velker olacaq.

Vitse-prezidentliyə namizədlərin yeganı debatına isə USA Today qəzetinin Vaşinqtonun bürosunun rəhbəri Süzan Peyc moderatorluq edəcək.

Meri Keyt Keri 12 dəfə moderatorluq etmiş Cim Lehrerin məsləhətini yada salır: debatın mərkəzi fiquru olmaqdan çəkinin.

“Mənim həmişə xatırladığım sitat budur:`əgər kimsə məndən, moderatordan sitat gətirirsə, deməli mən uğursuz olmuşam”, Meri Keyt Keri bildirir.

Debatlarda moderatorlar

KRİS VALLAS

FOX News telekanalının jurnalisti

2016-cı il debatında moderator

Trampla iyul ayında müsahibə aparıb

STİV SKALLİ

C-SPAN kanalı – baş prodüser, redaktor

Siyasi tokşouların aparıcısı

2016-cı ildə ehtiyat üçün moderator seçilib

KRİSTEN VELKER

NBC telekanalının Ağ Ev müxbiri

NBC həftəsonu proqramının aparıcısı

Demokratların praymerisində moderator olub

SÜZAN PEYC

USA Today Vaşinqtonun bürosunun rəhbəri

Prezident seçki kampaniyasında 10 debatda moderator

Nensi Pelosi və Barbara Buş haqda kitabların müəllifi

ABŞ seçki sistemlərini hədəf alan kiberhücumların əlamətləri yoxdur

ABŞ-ın yüksək səviyyəli hüquq-mühafizə orqanları, hərbi və kəşfiyyat məmurları, bəzi ölkələrin səsverməyə müdaxilə etmək niyyətində olduqlarına dair çoxsaylı dəlillərə baxmayaraq, qarşıdan gələn prezident seçkilərinin təhlükəsizliyini qoruya biləcəklərinə inandıqlarını bildirir.

Rəsmilər ABŞ kəşfiyyat icmasının Rusiyanın 2016-cı il ABŞ prezident seçkilərinə müdaxilə etmək istədiyi qənaətinə gəldiyindən bəri, təxminən dörd ildir seçkilərə hər növ hücumları izləməyə başlayıb. Ancaq seçicilərin noyabrın 3-ü seçkilərinə qatılmasına 50 gündən az vaxt qaldığı bir vaxt onlar Rusiya və ya başqalarının kritik seçki sistemlərini sındırmağa çalışma əlamətlərinin olmadığını deyirlər.

Federal Təhqiqatlar Bürosunun (FBI) direktoru Kristofer Rey çərşənbə günü ABŞ Kiber Təhlükəsizliyi və İnfrastruktur Təhlükəsizliyi Agentliyi (CISA) tərəfindən keçirilən virtual sammitdə "Seçicilərin məlumat bazalarına və ya ilkin səsvermə ilə əlaqəli hər hansı bir sistemə bu günə qədər kiberhücumlar həyata keçirildiyini görməmişik" bildirib.

FTB-nin ABŞ-ın kritik sistemlərini qorumaq səylərini "bitməyən bir döyüş" olaraq xarakterizə etməsinə baxmayaraq, Rey 2016 seçkilərindən bəri tətbiq olunan addımların nəticə verdiyini göstərir.

"Bildiyimizə görə, heç bir xarici hökumət ABŞ-ın səs sayımlarına müdaxilə etməyib" - deyə, o qeyd edib.

Çərşənbə günü başqa bir virtual konfransda çıxış edən ABŞ Kiber Komandanlığının komandiri də Seçki Günündən əvvəl seçiciləri inandırmağa çalışıb.

"Biz həqiqətən idarələrarası və ortaqlarımızla bir araya gələn işlərə əsaslanan böyük və davamlı uğur qazanacağımıza inanırıq" - deyə, Milli Təhlükəsizlik Agentliyinin direktoru da olan General Pol Nakason bildirib.

Mayk Pens haqda bilmədiyiniz yeddi fakt

Mayk Pens haqda bilmədiyiniz yeddi fakt
please wait

No media source currently available

0:00 0:00:53 0:00

Daha çox yüklə

XS
SM
MD
LG