Keçən həftə 32 nəfərin ölümü ilə nəticələnmiş Brüssel hücumu ilə bağlı yeni sübutların əldə olunmasından sonra Belçika baş nazirliyi ətrafında təhlükəsizlik tədbirləri gücləndirilib.
Silahlı təhlükəsizlik zabitləri baş nazir Çarles Mişelin ofisi və iqamətgahı ətrafına yerləşdirilib.
Polis rəsmiləri deyir ki, şübhəlilərin yaşadığı binanın həyətindəki zibil qutusunda tapılmış kompüterdə həmin yerlərin xəritəsi aşkar edilib.
Paris hücumlarından sonra baş nazirin ofisi xüsusi nəzarət altındadır.
