Accessibility links

Berlində on minlərlə insan Ukraynada müharibəyə etiraz bildirib


Berlində minlərlə insan Rusiyanın Ukraynaya hərbi təcavüzünə etiraz olaraq “Müharibəni dayandırın. Sülh və Ukrayna xalqı ilə həmrəylik” şüarı ilə keçirilən müharibə əleyhinə nümayişdə iştirak edir, 13 mart, 2022-ci il.

Berlinin mərkəzində bazar günü 30 minə qədər insan müharibə əleyhinə nümayişə qatılıb, onların bir çoxu Ukrayna bayraqlarını dalğalandırıb və əllərində Rusiyanın işğalına qarşı şüarlar yazılmış plakatlar tutub.

Soyuq Müharibə dövründə bölünmüş Almaniyanın simvolu olan Brandenburq Qapısı qarşısında toplaşan insanlar Berlin küçələri ilə yürüş edərək, şüarlar səsləndirib, mahnılar oxuyublar.

Plakat və bannerlərin üzərində “Putini dayandırın”, “Müharibəyə son qoyun”, “Rusiya əsgərləri evə qayıdın” və “Ukrayna ilə həmrəylik” şüarları yazılıb.

“Hər şeydən əvvəl, ukraynalıların nə iki həftə sonra, nə də bundan sonra onları unutmayacağımızı görmək çox vacibdir”, etirazçı Helene Krass deyib.

Bəzi nümayişçilər hətta Ukraynaya silah çatdırılmasına dəstək bildirib. Rusiyanın Ukraynaya hərbi müdaxiləsindən sonra Almaniya İkinci Dünya Müharibəsindən sonra münaqişə zonalarına silah tədarükünə qoyulan qadağanı aradan qaldıraraq, Ukraynaya öz hərbi ehtiyatlarından tank əleyhinə silahlar və Stringer yer hava tipli raketlər göndərir.

Berlində bazar günü keçirilən aksiyaya 30 minə qədər insan qatılıb. İki həftə əvvəl Ukraynaya dəstək yürüşündə 100 min insan iştirak etmişdi.

İtaliyada Florensiya şəhərində də minlərlə insan Ukraynaya dəstək bildirmək üçün yürüş keçirib.

Dünyaya Baxış

Dünyaya Baxış. Putin Soçidə Ərdoğanla görüşüb
please wait

No media source currently available

0:00 0:12:02 0:00
XS
SM
MD
LG