BMT-nin Beynəlxalq Atom Enejisi Agentliyi İranın gizli nüvə fəaliyyətlərindən narahatlığını bildirib. Agentliyin bu gün açıqladığı hesabatında deyilir ki, quruma üzv ölkələr Tehranın nüvə fəaliyyətlərinə dair əsaslı məlumatlar əldə edib. Sənəddə İranın yeraltı bunkerlərə uran zənginləşdirilməsi üçün təchizat yerləşdirdiyi də bildirilir. Avropa ölkələri və BMT İranın uran zənginləşdirməsindən əl çəkmədiyinə görə, o ölkəyə qarşı sanksiyalar tətbiq edib. İran isə nüvə fəaliyyətlərinin dinc mahiyyətli olduğunda israr edir.
