Accessibility links

Ukraynaya elan edilməmiş səfəri zamanı Bayden "dünya sizinlədir" deyib


Rusiyanın işğalının bir illiyinə bir neçə gün qalmış Ukraynaya elan edilməmiş səfər edən ABŞ prezidenti Co Bayden Kyivə "ölkənin müstəqilliyi, suverenliyi və ərazi bütövlüyünə dəstəyimizi göstərmək üçün" gəldiyini deyib.

Kyivdəki Mariyinski sarayında Ukrayna prezidenti Volodimir Zelenski ilə birlikdə danışan Bayden artilleriya sursatları və tank əleyhinə silahlar da daxil olmaqla, ABŞ-ın 500 milyon dollarlıq yeni yardımını açıqlayıb. O, həmçinin bu həftə ABŞ-ın Rusiyaya qarşı yeni sanksiyalar tətbiq edəcəyini bildirib.

Bayden "bir ildən sonra Kyiv dayanıb. Ukrayna da dayanıb. Demokratiya dayanıb. Amerikalılar sizinlədir, dünya da sizinlədir" deyib.

Bayden Ukrayna ordusuna yardım etmək və Rusiya iqtisadiyyatının "görünməmiş xərclər" verməsi üçün 50-dən çox ölkədən ibarət koalisiyanı bir araya gətirməkdən danışıb.

"Putin Ukraynanın zəif olduğunu və Qərbin parçalandığını düşünürdü. O, bizdən üstün olduğunu düşünürdü. Onun indi belə düşündüyünü düşünmürəm" - deyə, Bayden bildirib.

Zelenski Baydenə Ukrayna üçün böyük bir məqamda gəldiyinə görə təşəkkür edib və ABŞ lideri ilə döyüş meydanındakı vəziyyəti müzakirə etməyi səbirsizliklə gözlədiyini bildirib.

Bayden Zelenski ilə paytaxtdakı kilsəni ziyarət edərkən, Kyiv və Ukraynanın başqa yerlərində hava hücumu sirenləri eşidilib.

Bayden və Zelenski müharibədə həlak olan qəhrəmanların xatirəsinə ucaldılmış abidənin divarına əklil qoyub.

Dünyaya Baxış

Dünyaya Baxış. Trampın ilk keçmiş ABŞ prezidenti kimi cinayət məhkəməsi başlayıb
please wait

No media source currently available

0:00 0:12:13 0:00

Amerika İcmalı

Amerika İcmalı. ABŞ-Yaponiya əlaqələri. ABŞ-ın Azərbaycan-Ermənistan sülh prosesində rolu.
please wait

No media source currently available

0:00 0:30:13 0:00
XS
SM
MD
LG