Amerikalı televiziya aparıcısı Billi Buş NBC-nin “Today” şousundakı vəzifəsindən azad edilib. Buna səbəb bu yaxınlarda onun ABŞ prezidentliyinə respublikaçı namizəd Donald Tramp ilə qadınlar barədə nalayiq söhbət apardığı videonun yayılması olub.
2005-ci ilə aid bu video görüntüdə o zamanlar “Access Hollywood” televiziya şousunun aparıcısı olan Buşun Trampın qadınlara toxunması və onları öpməsi haqda söhbəti zamanı güldüyü eşidilir. Videonun yayılmasından sonra Tramp qadınlara qarşı pis rəftar etdiyini inkar edib.
NBC kanalındakı səhər verilişindən uzaqlaşdırılan Buş davranışına görə “utandığını” deyib.
45 yaşlı televiziya aparıcısı sabiq prezident Corc Buş atanın qardaşı oğludur.
